Yumurta kəskin ucuzlaşıb

Azərbaycanda toyuq yumurtasının qiyməti kəskin ucuzlaşıb, 1 ədədi 15-17 qəpiyə yox, 8-10 qəpiyə düşüb. Bu, kənd toyuqlarının daha çox yumurta qoymağa başlaması və havaların isti keçməsi ilə əlaqədar tələbatın azalması səbəbindən baş verib. Təklifin çox olması nəticəsində istehsalçılar arasında rəqabətin artması nəticəsində qiymətlər aşağı düşüb.

Bununla belə, ekspertlər yumurtanın qiymətinin avqust-sentyabr aylarına kimi əvvəlki səviyyəyə qayıdacağını gözləyirlər. Dövlət Statistika Komitəsinin məlumatına görə, 2024-cü ilin yanvar-mart aylarında Azərbaycanda 571,7 milyon ədəd yumurta istehsal edilib. Ötən ilin müvafiq dövrü ilə müqayisədə məhsul istehsalı 5,2 faiz artıb.